Vinisius Junior yosh braziliyalik futbolchiga qaratilgan irqchilikni qoraladi.
“Palmeyras” U-20 jamoasi hujumchisi Luidji “Libertadores yoshlar kubogi” doirasida “Serro Porteno”ga qarshi o‘yinda (3:0) muxlislar tomonidan haqorat qilindi. 18 yoshli yigit maydondan chiqib ketayotganda unga nisbatan irqchilikka xos qo‘shiq aytishdi.
Futbolchi o‘yindan keyin bergan intervyusida yig‘lab yubordi.
"Qachongacha bunga chidaymiz? Ayting-chi, qachongacha? Ularning qilgan ishi jinoyat, bu haqda so‘rashni xohlamaysizmi?" – dedi Luidji jurnalistga.
"Real Madrid" vingeri Vinisius Junior muxlislarning kamsituvchi xatti-harakatlarini qoraladi va KONMEBOLni tanqid qildi.
"O‘z pozisiyangni bildirganing yaxshi, uka. Bu qayg‘uli, lekin kuchli bo‘l. Kel, birga kurashamiz.
Qachongacha bu davomi etadi, KONMEBOL? Siz hech qachon hech narsa qilolmaysiz! Hech qachon!" – deb yozgan Vinisius Instagram'dagi postida.













