"Liverpul" forvardi Muhammad Saloh o‘z rekordi haqidagi savolga javob berdi.
Shanba kuni "qizillar" yetakchisi "Sautgempton"ga qarshi o‘yinda (3:1) dubl qayd etdi. Hozirda misrlik hisobida Premyer-ligada 184 ta gol bor - bu "Manchester Siti"da o‘ynagan Serxio Aguero bilan bir qatorda xorijliklar tarixidagi eng yaxshi ko‘rsatkichdir.
"Men bu rekord haqida bilardim, ammo o‘yin paytida bu haqda o‘ylamagandim. Bunday yutuqni takrorlash juda yoqimli. Serxio ajoyib o‘yinchi edi, u ushbu liganing afsonasiga aylandi. Albatta, bu rekord ham, bugungi g‘alabamiz ham meni quvontiradi," - dedi Muhammad Saloh o‘yindan keyin OAV vakillari bilan suhbatda.
