"Ливерпуль" форварди Муҳаммад Салоҳ ўз рекорди ҳақидаги саволга жавоб берди.
Шанба куни "қизиллар" етакчиси "Саутгемптон"га қарши ўйинда (3:1) дубль қайд этди. Ҳозирда мисрлик ҳисобида Премьер-лигада 184 та гол бор - бу "Манчестер Сити"да ўйнаган Серхио Агуэро билан бир қаторда хорижликлар тарихидаги энг яхши кўрсаткичдир.
"Мен бу рекорд ҳақида билардим, аммо ўйин пайтида бу ҳақда ўйламагандим. Бундай ютуқни такрорлаш жуда ёқимли. Серхио ажойиб ўйинчи эди, у ушбу лиганинг афсонасига айланди. Албатта, бу рекорд ҳам, бугунги ғалабамиз ҳам мени қувонтиради," - деди Муҳаммад Салоҳ ўйиндан кейин ОАВ вакиллари билан суҳбатда.
