"Dinamo" bosh murabbiyi Vadim Abramov Superliganing 1-turi doirasida bo‘lib o‘tgan "Navbahor"ga qarshi o‘yindan so‘ng o‘z fikrlar bilan o‘rtoqlashdi.

"Avvalo, barcha muxlislarni mavsumning boshlangani bilan tabriklamoqchi edim. Ochilish marosimi bo‘ldi, shunday ekan, tomoshabinlarga yoqishi uchun yaxshi o‘ynashga harakat qildik.  

Qanday natijaga erishdik – bilmayman, ammo o‘yin qiziqarli bo‘ldi, deb o‘ylayman. Har kim buni o‘zicha baholaydi, tomoshabinlar yuqoridan qaraganda, boshqacha ko‘rinishi mumkin. Qilinmasligi kerak bo‘lgan xatolar bor edi. Juda yaxshi o‘ynadik, deb aytish qiyin. Yutish ham mumkin edi, yutqazish ham mumkin edi, shuning uchun o‘yin teng kechdi, desa ham bo‘ladi.

Gol urish uchun imkoniyatlar bo‘ldi, ammo vaziyatlardan foydalanish borasida muammolar yuzaga keldi. Tomoshabinlar gol ko‘rish uchun stadionga kelishadi, ammo bugun gol bo‘lmadi, shuning uchun uzr so‘rayman. Lekin muxlislarni tabriklash kerak, ularni xafa qilmoqchi emasdik. Nima ham derdim – futbol shunday sport. Keyingi o‘yinda gol uramiz, deb umid qilamiz.

Birinchi savolga javob bersam, albatta, bu birinchi rasmiy o‘yin bo‘lgani uchun hayajon bo‘lgan bo‘lishi mumkin. Shuningdek, siz aytgan mahorat yetishmasligi ham ehtimol. Yana bir masala – biz hali ritmga kirib ulgurmadik, shunga bog‘liq bo‘lishi mumkin.

Marko Stoyanovich haqida aytsam, u yaqinda jamoamizga kelib qo‘shildi. Ilgari penaltini Anvar zarba berib, yaxshi uddalardi. O‘yindan oldin men Marko bilan gaplashib, penaltini Anvar tepishini aytdim. U esa: ""Nasaf" safida faqat bir marta penaltidan gol ura olmadim", – dedi. Ammo men u holatni yaxshi eslayman, shuning uchun Anvar tepishi kerak, deb qaror qildim.

Afsuski, Anvar to‘pga yaqinlashganda, u biroz hayajonlandi. Chunki bir necha imkoniyatlarga ega bo‘lgan, lekin bugun unga omad kulib boqmagan edi. Balki o‘z uyida o‘ynayotgani uchun o‘ziga bosim qilgandir.

Jamoam bilan faxrlanaman, biz mehmonda shunday kuchli jamoaga qarshi o‘ynadik. Hatto durangdan ko‘prog‘igi munosib edik, g‘alaba qozonishni istagandik.

Hozircha jamoadagi o‘zgarishlar haqida gapirishga erta. Anvar hech qanday qiyinchiliksiz o‘ynay oladi, shuning uchun hozirdanoq xulosa chiqarish noto‘g‘ri bo‘ladi. Beshinchi turdan keyin aniq bir fikr bildirish mumkin.  

Jamoamizda maqsad katta – biz hamma ishtirokchi jamoalar kabi yuqori maqsadlarni ko‘zlaymiz. Bu haqda gapirish qiyin, ammo biz eng yuqori o‘rinlar uchun kurashamiz.  

Samarqandda bazamiz va mashg‘ulot o‘tkazish uchun stadionlar yetishmaydi. Yangi viloyat hokimi bu masalaga e’tibor qaratishiga umid qilaman. Agar bu muammo hal etilsa, Samarqand jamoasi yuqori o‘rinlar uchun kurasha oladi. Keyin hal qilinishi kerak bo‘lgan masalalar ko‘p", — dedi Abramov.