"Liverpul" "Bornmut" klubining chap himoyachisi Milosh Kerkezga qiziqish bildirmoqda. Bu haqda TEAMtalk nashri xabar berdi.  

Ma’lumotlarga ko‘ra, "qizillar" hali dekabr oyidayoq futbolchining agentlari bilan aloqa o‘rnatgan. U jamoa uchun ustuvor kuchayish varianti sifatida ko‘rilmoqda. Manbaga ko‘ra, transfer summasi 50 million yevroga baholanmoqda. Shuningdek, Kerkezga "Real Madrid" ham qiziqish bildirgani aytilmoqda.  

Milosh Kerkezning mehnat shartnomasi 2028 yil yozigacha amal qiladi. Joriy mavsumda vengriyalik futbolchi Angliya Premyer-ligasida 27 ta o‘yin o‘tkazgan, 2 ta gol urgan va 4 ta golli uzatma amalga oshirgan.