Toshkentning "Paxtakor" klubi bosh murabbiyi Pedru Moreyra Elit Osiyo chempionlar ligasi nimchorak finalidan o‘rin olgan "Al-Hilol"ga qarshi o‘yin oldidan o‘z fikrlarini bildirdi.

"Al-Hilol" juda yaxshi futbol namoyish biladigan va tajribali murabbiy qo‘l ostidagi ajoyib jamoa. Bu mutaxassis musobaqada eng katta tajribaga ega. Biz o‘z o‘yinimizni yaxshilashga urinmoqdamiz. Ijobiy natijaga erishishni istasak, vaziyatlardan foydalanishimiz va raqibga kamroq imkoniyat berishga urinishimiz lozim.

Biz bir oilaga aylanib, Chempionlar Ligasida olg‘a qadam bosishga urinyapmiz. Jamoa, o‘yinchilar, tashkiliy masalalar bilan oldinga qadam bosamiz. Butun mavsum uchun tayyorgarlik ko‘rdik. Muxlislarni jamoaga yaqinroq qilishga intilamiz. Bunga o‘z g‘alabalarimiz bilan harakat qilamiz. Ushbu stadionda muhit ajoyib. Biz ishqibozlarimizning qo‘llashini his qilamiz. Men yangi klub, shahar va mamlakatni o‘rganmoqdaman. Klubdagi ilk kunimdan jamoa bilan katta orzular uchun ishlayapmiz. Biz uchun qiyin bo‘lishi mumkin, lekin kelajak uchun mehnat qilyapmiz. Jamoada hamma bir-biriga yordam berishga intilishi zarur. Oldinda bizni uzun mavsum kutib turibdi", - dedi portugaliyalik mutaxassis.