"Liverpul" bosh murabbiyi Arne Slot Chempionlar Ligasi 1/8 finalidan o‘rin olgan "PSJ"ga qarshi javob o‘yiniga izoh berdi.
Niderlandiyalik murabbiydan mersisaydliklardan keyingi bosqichga o‘tish uchun mavsumdagi eng yaxshi o‘yinni ko‘rsatish kerakmi, deb so‘rashdi.
"Ha, men shunday deb o‘ylayman. Chunki oldimizda biz to‘qnash kelgan jamoalar ichida eng mukammal jamoa turibdi. "Mukammal" deganda nimani nazarda tutyapman? "Arsenal" va "Manchester Siti" bilan to‘qnash kelganmiz. Gap "PSJ"ning bu jamoalardan ancha ustunligida emas, gap intensivlik va sifatda. Ularda juda ko‘p fazilatlar va buyuk, buyuk, buyuk murabbiy bor. U jamoani shunday o‘ynashga majbur qiladiki, unga qarshi turish oson bo‘lmaydi. U har bir o‘yinchidan maksimal darajada foydalanadi va aql bovar qilmaydigan ish tezligini olib keladi. Shuning uchun ham ertaga eng yaxshi formada bo‘lishimiz kerak deb o‘ylayman," - deb Slotning so‘zlarini keltiradi "Liverpul" sayti.
