"Ливерпуль" бош мураббийи Арне Слот Чемпионлар Лигаси 1/8 финалидан ўрин олган "ПСЖ"га қарши жавоб ўйинига изоҳ берди.

Нидерландиялик мураббийдан мерсисайдликлардан кейинги босқичга ўтиш учун мавсумдаги энг яхши ўйинни кўрсатиш керакми, деб сўрашди.

"Ҳа, мен шундай деб ўйлайман. Чунки олдимизда биз тўқнаш келган жамоалар ичида энг мукаммал жамоа турибди. "Мукаммал" деганда нимани назарда тутяпман? "Арсенал" ва "Манчестер Сити" билан тўқнаш келганмиз. Гап "ПСЖ"нинг бу жамоалардан анча устунлигида эмас, гап интенсивлик ва сифатда. Уларда жуда кўп фазилатлар ва буюк, буюк, буюк мураббий бор. У жамоани шундай ўйнашга мажбур қиладики, унга қарши туриш осон бўлмайди. У ҳар бир ўйинчидан максимал даражада фойдаланади ва ақл бовар қилмайдиган иш тезлигини олиб келади. Шунинг учун ҳам эртага энг яхши формада бўлишимиз керак деб ўйлайман," - деб Слотнинг сўзларини келтиради "Ливерпуль" сайти.