"Manchester Yunayted" xo‘jayini Jim Retkliff klub boshqaruvi haqida gapirdi. Funksionerning tan olishicha, o‘tgan yili rahbarlar xatolarga yo‘l qo‘ygan.
"Men Erik ten Xag va Den Eshuort bo‘yicha qarorlar xato bo‘lganiga qo‘shilaman. Menimcha, bizda ba’zi yumshatuvchi holatlar bor, lekin oxir-oqibat bu xatolar edi. Men buni qabul qilaman va uzr so‘rayman," - deya Retkliffning so‘zlarini keltiradi BBC Sport.
O‘tgan yozda "Manchester Yunayted" Erik ten Hag bilan shartnomani uzaytirgan, ammo kuzda niderlandiyalik murabbiy iste’foga chiqarilgandi. Den Eshuort esa "qizil iblislar" sport direktori lavozimida bor-yo‘g‘i besh oy ishladi.
