"Манчестер Юнайтед" хўжайини Жим Рэтклифф клуб бошқаруви ҳақида гапирди. Функционернинг тан олишича, ўтган йили раҳбарлар хатоларга йўл қўйган.
"Мен Эрик тен Хаг ва Ден Эшуорт бўйича қарорлар хато бўлганига қўшиламан. Менимча, бизда баъзи юмшатувчи ҳолатлар бор, лекин охир-оқибат бу хатолар эди. Мен буни қабул қиламан ва узр сўрайман," - дея Рэтклиффнинг сўзларини келтиради BBC Sport.
Ўтган ёзда "Манчестер Юнайтед" Эрик тен Ҳаг билан шартномани узайтирган, аммо кузда нидерландиялик мураббий истеъфога чиқарилганди. Ден Эшуорт эса "қизил иблислар" спорт директори лавозимида бор-йўғи беш ой ишлади.
