Buyuk Britaniya tashqi ishlar vaziri Devid Lemmi “Chelsi”ni sotishdan tushgan 2,3 milliard funt sterling miqdoridagi muzlatilgan mablag‘ni Ukrainaga yordam berish uchun ishlatmoqchi, deb yozadi The Financial Times.

“To‘g‘ri – pulni taqsimlash kerak, undan foydalanish kerak”, deb Lemmining so‘zlarini keltiradi manba.

Pul ikki yildan beri maxsus ishonchli bank hisobvarag‘ida turibdi, biroq uning qanday ishlatilishi haqida gap-so‘z haligacha davom etmoqda.

Vazirning ta’kidlashicha, u sud yo‘lidan borishni istamaydi, chunki bu ko‘p vaqt talab etadi, ammo bu variant ham muhokama qilinmoqda.

Buyuk Britaniya hukumati pullarni Ukraina ichida sarflash kerakligini ta’kidlamoqda, jamg‘arma mablag‘larni qochqinlarni qo‘llab-quvvatlash uchun ishlatishni taklif qilmoqda.

Eslatib o‘tamiz, Buyuk Britaniya "Chelsi"ning sobiq xo‘jayini Roman Abramovichga qarshi 2022 yilning mart oyida sanksiyalar kiritgan, shu bois uning 2,5 milliard funt sterlinglik ulushi muzlatilgan.

O‘z navbatida, Buyuk Britaniya hukumati Ukrainaga gumanitar yordam uchun mablag‘ jo‘natish g‘oyasini 2023 yilning yanvarida e’lon qilgan edi.