Kecha Elit Chempionlar ligasi 1/8 finalidan o‘rin olgan "An-Nasr" - "Istiqlol" javob uchrashuvi bo‘lib o‘tdi. Unda riyodliklar yirik 3:0 hisobida g‘alaba qozondi. Tehron klubi safida Jaloliddin Masharipov ikkinchi bo‘lim boshida maydonga tushirildi.
Masharipovning o‘yindagi harakatlari Sofascore portali tomonidan 6.9 ballga, Flashscore portali tomonidan esa 6.7 ballga baholandi.
Futbolchimiz ikkinchi taymda maydonga tushgan holda, 51 daqiqa maydonda harakat qildi.
Ushbu vaqt mobaynida, Jaloliddin to‘pga 35 marta tegindi. Uzatmalarini aniqligi bo‘yicha 92 foizlik (22/24) natija qayd etdi. Umumiy 7 ta to‘p uchun kurashning 5 tasida yutib chiqdi.
Ta’kidlash lozimki, Masharipov jarohati tufayli fevral oyida deyarli maydonga tushmadi va endi-endi jamoa safiga qaytmoqda. Terma jamoamiz o‘yiniga qadar Jaloliddin 16 mart kuni Eron chempionatida ham bitta o‘yin o‘tkazib keladi. Umid qilamizki, u milliy jamoamiz ixtiyoriga maksimal sport formasida yetib kela oladi.
