Кеча Элит Чемпионлар лигаси 1/8 финалидан ўрин олган "Ан-Наср" - "Истиқлол" жавоб учрашуви бўлиб ўтди. Унда риёдликлар йирик 3:0 ҳисобида ғалаба қозонди. Теҳрон клуби сафида Жалолиддин Машарипов иккинчи бўлим бошида майдонга туширилди.
Машариповнинг ўйиндаги ҳаракатлари Sofascore портали томонидан 6.9 баллга, Flashscore портали томонидан эса 6.7 баллга баҳоланди.
Футболчимиз иккинчи таймда майдонга тушган ҳолда, 51 дақиқа майдонда ҳаракат қилди.
Ушбу вақт мобайнида, Жалолиддин тўпга 35 марта тегинди. Узатмаларини аниқлиги бўйича 92 фоизлик (22/24) натижа қайд этди. Умумий 7 та тўп учун курашнинг 5 тасида ютиб чиқди.
Таъкидлаш лозимки, Машарипов жароҳати туфайли февраль ойида деярли майдонга тушмади ва энди-энди жамоа сафига қайтмоқда. Терма жамоамиз ўйинига қадар Жалолиддин 16 март куни Эрон чемпионатида ҳам битта ўйин ўтказиб келади. Умид қиламизки, у миллий жамоамиз ихтиёрига максимал спорт формасида етиб кела олади.
