"Manchester Yunayted"ning afsonaviy bosh murabbiyi Aleks Fergyuson klubning stadion qarori haqida fikr bildirdi. Oldinroq “Old Trafford” buzilib, “Manchester Yunayted” 100 000 tomoshabinga mo‘ljallangan yangi stadion qurishi e’lon qilingan edi.
"Manchester Yunayted" har doim maydonda va undan tashqarida, jumladan, stadionda ham eng yaxshi bo‘lishga intilishi kerak. "Old Trafford" shaxsan men uchun juda ko‘p o‘ziga xos xotiralarni saqlab qoladi, biroq biz mard bo‘lishimiz va bu imkoniyatdan foydalanib, kelajakka mos keladigan, yangi tarix yozilishi mumkin bo‘lgan yangi uy qurishimiz kerak", - deya Fergyusonning so‘zlarini keltiradi "qizil iblislar" matbuot xizmati.
Aleks Fergyuson 1986 yildan 2013 yilgacha “Manchester Yunayted”ni boshqargan. Bu vaqt ichida jamoa ko‘plab sovrinlarni qo‘lga kiritdi, jumladan 13 marta Premyer-liga chempioni va 2 marta yevrokubok.
