"Манчестер Юнайтед"нинг афсонавий бош мураббийи Алекс Фергюсон клубнинг стадион қарори ҳақида фикр билдирди. Олдинроқ “Олд Траффорд” бузилиб, “Манчестер Юнайтед” 100 000 томошабинга мўлжалланган янги стадион қуриши эълон қилинган эди.
"Манчестер Юнайтед" ҳар доим майдонда ва ундан ташқарида, жумладан, стадионда ҳам энг яхши бўлишга интилиши керак. "Олд Траффорд" шахсан мен учун жуда кўп ўзига хос хотираларни сақлаб қолади, бироқ биз мард бўлишимиз ва бу имкониятдан фойдаланиб, келажакка мос келадиган, янги тарих ёзилиши мумкин бўлган янги уй қуришимиз керак", - дея Фергюсоннинг сўзларини келтиради "қизил иблислар" матбуот хизмати.
Алекс Фергюсон 1986 йилдан 2013 йилгача “Манчестер Юнайтед”ни бошқарган. Бу вақт ичида жамоа кўплаб совринларни қўлга киритди, жумладан 13 марта Премьер-лига чемпиони ва 2 марта еврокубок.
