«Manchester Yunayted» «Portu» klubining 20 yoshli markaziy hujumchisi Samu Omorodionni xarid qilish imkoniyatini ko‘rib chiqmoqda. Bu haqda Give Me Sport xabar bermoqda.
Manbaning ma’lumotiga ko‘ra, «qizil iblislar» ispaniyalik futbolchini yozgi transfer oynasida qo‘lga kiritish imkoniyatiga ega. Shuningdek, «Manchester Yunayted» uni sotib olish uchun 84 mln funt (99 mln yevro) miqdoridagi tovon pulini to‘lash huquqiga ega bo‘ladi. Biroq Omorodionni transfer qilish uchun "MYU" ayrim o‘yinchilarni sotishiga to‘g‘ri keladi.
20 yoshli hujumchi 2024 yil yozida Madridning «Atletiko» klubidan «Portu» safiga o‘tgan. Uning amaldagi shartnomasi 2029 yil yozigacha davom etadi. Transfermarkt portali ma’lumotlariga ko‘ra, futbolchining bozor bahosi 50 mln yevroni tashkil etadi.













