"PSJ" darvozaboni Janluiji Donnarumma Chempionlar Ligasining 1/8 final javob o‘yinida "Liverpul"ga qarshi (1:0, penaltilar seriyasi — 4:1) eng yaxshi o‘yinchi deb topildi. 26 yoshli italiyalik futbolchi o‘yin davomida 8 ta zarbani, penaltilar seriyasida esa 2 ta zarbani qaytarishga muvaffaq bo‘ldi.

"Donnarumma butun oqshom davomida asosiy masalalarni hal qilishda asosiy rol o‘ynadi, bir marta asosiy vaqtda jamoani juda qiyin vaziyatda qutqarib qoldi va penaltilar seriyasida ikkita zarbani qaytardi," - deya ta’kidladi UYEFA texnik kuzatuvchilari guruhi.