"Real" ikki yildan ko‘proq vaqt ichida faqat bir marta "Atletiko"ni asosiy vaqtda mag‘lub etgan.

Karlo Anchelotti va Diyego Simeone jamoalari Chempionlar ligasining 1/8 finalida o‘zaro to‘qnash keldi.

Dastlabki o‘yinda "Real" 2:1 hisobida g‘alaba qozongandi. "Qirollik klubi" 2022 yil sentyabr oyidan beri birinchi marta 90 daqiqa ichida "matraschilar"ni yengdi.

Javob o‘yinining asosiy vaqti 1:0 hisobida mezbonlar foydasiga hal bo‘ldi. Penaltilarda yana "Real" g‘alaba qozondi - 4:2.

Shu bilan birga, ko‘rsatilgan davrda "qaymoqranglilar" qo‘shimcha bo‘limlarda yana ikki marta g‘alaba qozonishdi, to‘rtta o‘yin durang bilan yakunlandi, ikkita g‘alabani "Atletiko" qo‘lga kiritdi.