"Real" hujumchisi Rodrigo "Atletiko" hujumchisi Xulian Alvaresning xatosi haqida fikr bildirdi.
Eslatib o‘tamiz, Chempionlar ligasi 1/8 final bosqichidagi "Atletiko" - "Real" o‘yinining penaltilar seriyasida Alvares zarba paytida to‘pga ikki marta tegingan, natijada gol hisobga olinmagan va "matraschilar" musobaqani tark etishga majbur bo‘lishgan.
"Bu juda qiziq holat edi. Men zaxira o‘rindig‘ida edim va to‘pning Alvares butsasidan qanday ajralib chiqqani g‘alati ko‘rindi. Biz "ikki marta tegindi" deb baqira boshladik va darhol hakamga ta’sir o‘tkazishga kirishdik. Men bunday holatni ilgari hech ko‘rmaganman, - dedi Rodrigo yakuniy hushtak chalingandan so‘ng.
