"Реал" ҳужумчиси Родриго "Атлетико" ҳужумчиси Хулиан Альвареснинг хатоси ҳақида фикр билдирди.
Эслатиб ўтамиз, Чемпионлар лигаси 1/8 финал босқичидаги "Атлетико" - "Реал" ўйинининг пенальтилар сериясида Альварес зарба пайтида тўпга икки марта тегинган, натижада гол ҳисобга олинмаган ва "матрасчилар" мусобақани тарк этишга мажбур бўлишган.
"Бу жуда қизиқ ҳолат эди. Мен захира ўриндиғида эдим ва тўпнинг Альварес бутсасидан қандай ажралиб чиққани ғалати кўринди. Биз "икки марта тегинди" деб бақира бошладик ва дарҳол ҳакамга таъсир ўтказишга киришдик. Мен бундай ҳолатни илгари ҳеч кўрмаганман, - деди Родриго якуний ҳуштак чалингандан сўнг.
