Xabar qilinishicha, markaziy himoyachi Ibrahima Konate "Liverpul" bilan shartnomasini uzaytirishdan ko‘ra, ushbu yozda "PSJ"ga o‘tishni ma’qul ko‘rmoqda.
"PSJ"ga yutqazib, Chempionlar ligasidan chiqib ketgan "qizillar" mavsum oxirida ikkita markaziy himoyachisini yo‘qotishi mumkin. Virjil van Deykning shartnomasi bir necha oy ichida nihoyasiga yetadi va u Saudiya Arabistonidan yiliga 20 million yevrodan ko‘proq maosh oladigan taklif olgani ma’lum.
Konatening shartnomasi 2026 yilga qadar amal qiladi va unda shartnomani uzaytirish bo‘yicha taklif bor, ammo hozircha bunga javob bermadi, chunki u tobora ko‘proq "PSJ"ga o‘tishga moyil bo‘lib bormoqda. Mersisaydliklar bu vaziyatdan xabardor va uni jamoada saqlab qolish maqsadida yana bir taklif bilan chiqishni rejalashtirmoqda.
Konate joriy mavsum “Liverpul” safida barcha turnirlar doirasida 33 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
