Хабар қилинишича, марказий ҳимоячи Ибраҳима Конате "Ливерпуль" билан шартномасини узайтиришдан кўра, ушбу ёзда "ПСЖ"га ўтишни маъқул кўрмоқда.

"ПСЖ"га ютқазиб, Чемпионлар лигасидан чиқиб кетган "қизиллар" мавсум охирида иккита марказий ҳимоячисини йўқотиши мумкин. Виржил ван Дейкнинг шартномаси бир неча ой ичида ниҳоясига етади ва у Саудия Арабистонидан йилига 20 миллион евродан кўпроқ маош оладиган таклиф олгани маълум.

Конатенинг шартномаси 2026 йилга қадар амал қилади ва унда шартномани узайтириш бўйича таклиф бор, аммо ҳозирча бунга жавоб бермади, чунки у тобора кўпроқ "ПСЖ"га ўтишга мойил бўлиб бормоқда. Мерсисайдликлар бу вазиятдан хабардор ва уни жамоада сақлаб қолиш мақсадида яна бир таклиф билан чиқишни режалаштирмоқда.

Конате жорий мавсум “Ливерпуль” сафида барча турнирлар доирасида 33 та ўйинда майдонга тушиб, 2 та гол урди ва 2 та голли узатмани амалга оширди.