Brunu Fernandesh o‘tgan yozda "Manchester Yunayted"ni tark etishi mumkin bo‘lganini aytdi.
"Klub bilan uchrashdim, chunki menga taklif bor edi. Men ketishim yoki qolishim mumkinligini muhokama qildik. Ular mendan nima kutilayotganini tushuntirishdi. Men shunchaki, ular jamoaning kelajagining bir qismi sifatida ko‘rishadimi yoki yo‘qmi, deb so‘radim.
O‘shanda ten Xag bilan gaplashdim. U men bilan juda ochiq edi, klub ham. Ular meni qayta qurish jarayonining muhim qismi ekanligimga ishonishlarini ochiq aytishdi. Muvaffaqiyatga erishamiz deb o‘ylagandim", - dedi “Manchester Yunayted” sardori.
Brunu kecha Yevropa Ligasi 1/8 finalining javob o‘yinida “Real Sosyedad”ga qarshi o‘yinda xet-trik qayd etdi.
