Ispaniya terma jamoasi bosh murabbiyi Luis de la Fuente nima uchun "Barselona" yarim himoyachisi Gavini qaydnomaga kiritmaganini tushuntirdi.

— Nega Gavi yo‘q?

— Bu yerda bo‘lishi mumkin bo‘lgan, ammo kela olmaydigan futbolchilar keladiganlardan ko‘p. Bu esa ispan futbolining kuchliligidan darak beradi. Afsuski, Isko yoki Gavi kabi futbolchilar bu yerda bo‘lmaydi. Ammo biz maqsadga muvofiq deb topsak, ularda imkoniyat bo‘ladi. Ular har doim bizning rejalarimizning bir qismi bo‘ladi.

Biz ajoyib jamoani yig‘dik. Bu bizda mavjud reja uchun juda yaxshi tanlov. Va menimcha, bizni kutayotgan narsa uchun eng yaxshi futbolchilarni tanladik", - dedi "qizil furiya" ustozi.