Испания терма жамоаси бош мураббийи Луис де ла Фуэнте нима учун "Барселона" ярим ҳимоячиси Гавини қайдномага киритмаганини тушунтирди.
— Нега Гави йўқ?
— Бу ерда бўлиши мумкин бўлган, аммо кела олмайдиган футболчилар келадиганлардан кўп. Бу эса испан футболининг кучлилигидан дарак беради. Афсуски, Иско ёки Гави каби футболчилар бу ерда бўлмайди. Аммо биз мақсадга мувофиқ деб топсак, уларда имконият бўлади. Улар ҳар доим бизнинг режаларимизнинг бир қисми бўлади.
Биз ажойиб жамоани йиғдик. Бу бизда мавжуд режа учун жуда яхши танлов. Ва менимча, бизни кутаётган нарса учун энг яхши футболчиларни танладик", - деди "қизил фурия" устози.
