Qozog‘istonning O‘skemen shahrida Pro Ligasy yarim finalining ikkinchi o‘yini davom etdi.

O‘yin boshida "Humo" bir kishi ko‘p bo‘lib o‘ynash huquqini qo‘lga kiritdi va Aleksandr Shevchenko raqib darvozasini ishg‘ol qildi. Bo‘lim o‘rtalarida Andrey Yakovlev hisobni tenglashtirdi.

Ikkinchi bo‘limning boshida mezbonlar xokkeychisi Stepan Aleksandrov raqib darvozasiga shaybani yo‘llab, jamoasini oldinga olib chiqdi. Shuningdek, bu vaziyatdan so‘ng mehmonlar murabbiylar shtabi darvozabon Gleb Moiseevning o‘rniga Konstantin Kozlovskiyni tushirishga qaror qildi. Bu qaror o‘z samarasini berdi – "Humo" tanaffusgacha nafaqat hisobni tenglashtirdi, balki Aleksandr Derbenyovning dubli orqali oldinga o‘tdi.

Uchinchi bo‘limga tugashiga 2 daqiqa qolganida esa Andrey Pavlenko "Torpedo" posboni bilan yakkama-yakka vaziyatga chiqdi va to‘rtinchi shaybani raqib darvozasiga joyladi.

Endilikda seriya O‘zbekiston poytaxtiga ko‘chadi va jamoalar 1-1 hisobi bilan teng holatda davom ettirishadi. Toshkentdagi o‘yinlar 20 va 22 mart kunlari o‘tkaziladi.

"Torpedo" – "Humo" 2:4 (1:1, 1:2, 0:1)  
Gollar:  0:1 – 02:12 – Shevchenko (Karaban, Malishev)
1:1 – 07:49 – Yakovlev (Rifel, Bazanov)  
2:1 – 23:24 – Aleksandrov (Parxomenko, Akmaldinov)  
2:2 – 32:05 – Derbenyov (Dyukarev)  
2:3 – 35:14 – Derbenyov (Malishev, Dorofeev)  
2:4 – 57:44 – Pavlenko (Derbenyov)  
Seriya hisobi: "Torpedo" – "Humo": 1-1 (5:3, 2:4)