Қозоғистоннинг Ўскемен шаҳрида Pro Ligasy ярим финалининг иккинчи ўйини давом этди.

Ўйин бошида "Ҳумо" бир киши кўп бўлиб ўйнаш ҳуқуқини қўлга киритди ва Александр Шевченко рақиб дарвозасини ишғол қилди. Бўлим ўрталарида Андрей Яковлев ҳисобни тенглаштирди.

Иккинчи бўлимнинг бошида мезбонлар хоккейчиси Степан Александров рақиб дарвозасига шайбани йўллаб, жамоасини олдинга олиб чиқди. Шунингдек, бу вазиятдан сўнг меҳмонлар мураббийлар штаби дарвозабон Глеб Моисеевнинг ўрнига Константин Козловскийни туширишга қарор қилди. Бу қарор ўз самарасини берди – "Ҳумо" танаффусгача нафақат ҳисобни тенглаштирди, балки Александр Дербенёвнинг дубли орқали олдинга ўтди.

Учинчи бўлимга тугашига 2 дақиқа қолганида эса Андрей Павленко "Торпедо" посбони билан яккама-якка вазиятга чиқди ва тўртинчи шайбани рақиб дарвозасига жойлади.

Эндиликда серия Ўзбекистон пойтахтига кўчади ва жамоалар 1-1 ҳисоби билан тенг ҳолатда давом эттиришади. Тошкентдаги ўйинлар 20 ва 22 март кунлари ўтказилади.

"Торпедо" – "Ҳумо" 2:4 (1:1, 1:2, 0:1)  
Голлар:  0:1 – 02:12 – Шевченко (Карабань, Малишев)
1:1 – 07:49 – Яковлев (Рифель, Базанов)  
2:1 – 23:24 – Александров (Пархоменко, Акмальдинов)  
2:2 – 32:05 – Дербенёв (Дюкарев)  
2:3 – 35:14 – Дербенёв (Малишев, Дорофеев)  
2:4 – 57:44 – Павленко (Дербенёв)  
Серия ҳисоби: "Торпедо" – "Ҳумо": 1-1 (5:3, 2:4)