"Real" tarkibni kuchaytirish imkoniyatlarini o‘rganmoqda. Madrid klubining vazifalaridan biri maydonning o‘rta chizig‘ini kuchaytirishdan iborat. Bu muhim, chunki Luka Modrich faoliyatining so‘nggi pallasida.

So‘nggi paytlarda matbuot "Real"ni "Chelsi" vakili Enso Fernandes bilan bog‘lamoqda. Shu bilan birga, argentinalik futbolchining transferi qimmatga tushadi. TodoFichajes portali xabariga ko‘ra, londonliklar 24 yoshli argentinalik futbolchi uchun kamida 90 million yevro talab qiladi.

Qayd etilishicha, "Real" skautlari Fernandes bo‘yicha ijobiy hisobotlar tayyorlagan, ya’ni kelishuv amalga oshishi mumkin.