Kilian Mbappe Antuan Grizmann bilan munosabatlari haqida gapirdi.

"Antuan bilan tez-tez gaplashib turamiz. Menga uning o‘g‘li Amaro yoqadi - u futbolning ashaddiy muxlisi, bolaligimdagi menga biroz o‘xshab ketadi.

Boshqa tomondan, hammasi haqiqatan ham murakkablashdi, chunki biz jamoalarimiz prinsipial raqiblar bo‘lgan shaharda yashaymiz. Lekin ishontirib aytamanki, Antuan bilan munosabatlarimiz juda yaxshi. U meni bir necha marta uyiga barbekyuga taklif qilgandi. Hozircha bu sodir bo‘lmadi, lekin albatta sodir bo‘ladi. Biz qo‘shnimiz.

Men nafaqat uning terma jamoadan ketmoqchiligini, balki buning sababini ham bilardim. Ammo bu uning qarori va nima uchun bunday tanlov qilganini faqat u tushuntira oladi.

Bizni ba’zan mas’uliyatni o‘z zimmamizga olmaganimiz uchun ayblashardi. O‘sha paytda terma jamoaga qo‘shgan hissamiz yetarlicha qadrlanmayotganini his qilardik. Antuan va menda terma jamoa uchun qilgan barcha ishlarimiz axlat qutisiga tashlangandek taassurot paydo bo‘ldi," - deydi "Real" va Fransiya terma jamoasi hujumchisi Le Parisen nashriga bergan intervyusida.