Килиан Мбаппе Антуан Гризманн билан муносабатлари ҳақида гапирди.

"Антуан билан тез-тез гаплашиб турамиз. Менга унинг ўғли Амаро ёқади - у футболнинг ашаддий мухлиси, болалигимдаги менга бироз ўхшаб кетади.

Бошқа томондан, ҳаммаси ҳақиқатан ҳам мураккаблашди, чунки биз жамоаларимиз принципиал рақиблар бўлган шаҳарда яшаймиз. Лекин ишонтириб айтаманки, Антуан билан муносабатларимиз жуда яхши. У мени бир неча марта уйига барбекюга таклиф қилганди. Ҳозирча бу содир бўлмади, лекин албатта содир бўлади. Биз қўшнимиз.

Мен нафақат унинг терма жамоадан кетмоқчилигини, балки бунинг сабабини ҳам билардим. Аммо бу унинг қарори ва нима учун бундай танлов қилганини фақат у тушунтира олади.

Бизни баъзан масъулиятни ўз зиммамизга олмаганимиз учун айблашарди. Ўша пайтда терма жамоага қўшган ҳиссамиз етарлича қадрланмаётганини ҳис қилардик. Антуан ва менда терма жамоа учун қилган барча ишларимиз ахлат қутисига ташлангандек таассурот пайдо бўлди," - дейди "Реал" ва Франция терма жамоаси ҳужумчиси Le Parisen нашрига берган интервьюсида.