Milanning "Inter" klubi ustozi Simone Indzagi "neradzurrilar" bilan yangi mehnat shartnomasini imzolashi mumkin, deya xabar bermoqda insayder Nikolo Skira.
Jurnalistning yozishicha, Italiya top-klubi bosslari mutaxassisga 2027 yilning yarmigacha yangi shartnoma taklif qilishni rejalashtirmoqda. Eslatib o‘tamiz, Simone 2021 yilning yozidan buyon "Inter" boshqaruvida ishlab kelmoqda. Murabbiy qo‘l ostida milanliklar A Seriya chempioni bo‘lishdi, shuningdek, mamlakat kubogi va superkubogini qo‘lga kiritishdi.
Italiya chempionatining joriy mavsumida "Inter" 29 turdan so‘ng 64 ochko jamg‘ardi. Indzagi shogirdlari eng yaqin ta’qibchisini 3 ochkoga ortda qoldirib, 1-o‘rinda bormoqda.
