"Inter Mayami" Lionel Messining jarohatiga izoh berdi. 37 yoshli futbolchi "Atlanta Yunayted"ga qarshi o‘yinda to‘liq o‘ynadi va jamoasining g‘alabasiga (2:1) yordam berib, gol urdi, biroq uchrashuv tugagach, o‘zida noqulayliklar sezdi. Tibbiy tekshiruvda hujumchi sonning yaqinlashtiruvchi mushagiga yengil shikast yetkazgani aniqlandi.
Bu ma’lumot klub rasmiy xabarida o‘z tasdig‘ini topdi. "Messining safga qaytish sanasi reabilitasiya jarayonida ma’lum bo‘ladi," - deyiladi "Inter Mayami" matbuot xizmati xabarida.
