Rossiya terma jamoasining sobiq futbolchisi Andrey Arshavin 2024/2025 yilgi mavsumda Ispaniya La Ligasi chempioni kim bo‘lishi mumkinligi haqida fikr bildirdi.
«Ispaniya chempionligi uchun kurash «Barselona» va «Real» o‘rtasida kechadi. Ular qolgan o‘yinlarda kamdan-kam xatoga yo‘l qo‘yishadi, shuning uchun «Atletiko»ning oradagi farqni qisqartirishi qiyin. Ularning chempion bo‘lish imkoniyati juda oz…
Hozir «Real» o‘zini unchalik ishonchli his qilmayapti, lekin bu jamoa kerakli pallada hamisha o‘z o‘yinini to‘g‘rilashni biladi. Bu qanday ishlashini bilmayman, lekin ularning yulduzlaridan biri kerakli paytda albatta o‘zini ko‘rsatadi.
«El-klasiko» juda katta ahamiyatga ega bo‘ladi, u Kataloniyada o‘tadi. «Real» aynan shu uchrashuvga katta e’tibor qaratadi», — dedi Arshavin «Match TV» efirida.
27-turdan keyin La Liga jadvali:
1-o‘rin – «Barselona» (60 ochko, 27 o‘yin)
2-o‘rin – «Real» (60 ochko, 28 o‘yin, qo‘shimcha ko‘rsatkichlar bo‘yicha ikkinchi)
3-o‘rin – «Atletiko» (56 ochko, 28 o‘yin).
