Россия терма жамоасининг собиқ футболчиси Андрей Аршавин 2024/2025 йилги мавсумда Испания Ла Лигаси чемпиони ким бўлиши мумкинлиги ҳақида фикр билдирди.
«Испания чемпионлиги учун кураш «Барселона» ва «Реал» ўртасида кечади. Улар қолган ўйинларда камдан-кам хатога йўл қўйишади, шунинг учун «Атлетико»нинг орадаги фарқни қисқартириши қийин. Уларнинг чемпион бўлиш имконияти жуда оз…
Ҳозир «Реал» ўзини унчалик ишончли ҳис қилмаяпти, лекин бу жамоа керакли паллада ҳамиша ўз ўйинини тўғрилашни билади. Бу қандай ишлашини билмайман, лекин уларнинг юлдузларидан бири керакли пайтда албатта ўзини кўрсатади.
«Эл-класико» жуда катта аҳамиятга эга бўлади, у Каталонияда ўтади. «Реал» айнан шу учрашувга катта эътибор қаратади», — деди Аршавин «Матч ТВ» эфирида.
27-турдан кейин Ла Лига жадвали:
1-ўрин – «Барселона» (60 очко, 27 ўйин)
2-ўрин – «Реал» (60 очко, 28 ўйин, қўшимча кўрсаткичлар бўйича иккинчи)
3-ўрин – «Атлетико» (56 очко, 28 ўйин).
