Qishki transfer oynasida "Milan" "Manchester Siti"dan himoyachi Kayl Uokerni ijaraga oldi. "Rossonerilar" tajribali o‘yinchini 5 million yevroga sotib olish imkoniyatiga ega. Biroq, italyan klubi "shaharliklar"dan chegirma olmoqchi. Bu haqda Tuttosport xabar bermoqda.
Shu bilan birga, ta’kidlanishicha, "Milan" boshqa bir o‘ng qanot himoyachisi - Emerson Royalni sotishni rejalashtirmoqda.
Kayl Uoker "Milan" safida 9 ta o‘yinda maydonga tushishga ulgurdi. Ularda himoyachi samarali harakatlar bilan ajralib turmadi. May oyida ingliz o‘zining 35 yoshini nishonlaydi.
