"Yuventus" vingeri Fransishku Konseysauning kelajagi mavhumligicha qolmoqda. "Keksa sinyora" portugaliyalikni joriy mavsum yakuniga qadar "Portu"dan ijaraga olgandi. 22 yoshli futbolchining sotib olinishi deyarli hal qilingan masala hisoblangan, buni "byankonerilar" rasmiylari ham tasdiqlagan, ammo klub bosh murabbiy Tyago Motta bilan xayrlashishi vaziyatni o‘zgartirishi mumkin. Jurnalist Matteo Morettoning ma’lum qilishicha, "Yuventus" murabbiyni almashtirishga qaror qilsa, Konseysauni sotib olish masalasi qayta ko‘rib chiqiladi.

Futbolchi joriy mavsumda turinliklar safida 30 ta bahsda 5 ta gol urdi va shuncha golli uzatmani amalga oshirdi.