Jo Koul Brunu Fernandeshni sovrinlar uchun boshqa klubga ketishga undadi.
"Agar men Brununing o‘rnida bo‘lganimda, "Manchester Yunayted"dan uzoqda, albatta, yangi klub izlagan bo‘lardim. Ehtimol, u uyga kechasi keladi va nega hamma unga hujum qilishayotganiga hayron bo‘ladi, vaholanki, u bu jamoani chindan ham birlashtirmoqda. Boshqalar ham borki, yaxshi o‘yin ko‘rsatmoqda, lekin u bu dahshatli davrda klubni tom ma’noda sudrab yuribdi.
Hammasi tugagach, Brunu "Yunayted"ni tark etganida va ehtimol, klub yana yuqori pog‘onaga ko‘tarilsa, odamlar ortga qarab, bu davrdagi yagona yorqin nuqta Brunu Fernandesh bo‘lganini ko‘radi", - dedi “Chelsi”ning sobiq yarim himoyachisi.
