Жо Коуль Бруну Фернандешни совринлар учун бошқа клубга кетишга ундади.
"Агар мен Брунунинг ўрнида бўлганимда, "Манчестер Юнайтед"дан узоқда, албатта, янги клуб излаган бўлардим. Эҳтимол, у уйга кечаси келади ва нега ҳамма унга ҳужум қилишаётганига ҳайрон бўлади, ваҳоланки, у бу жамоани чиндан ҳам бирлаштирмоқда. Бошқалар ҳам борки, яхши ўйин кўрсатмоқда, лекин у бу даҳшатли даврда клубни том маънода судраб юрибди.
Ҳаммаси тугагач, Бруну "Юнайтед"ни тарк этганида ва эҳтимол, клуб яна юқори поғонага кўтарилса, одамлар ортга қараб, бу даврдаги ягона ёрқин нуқта Бруну Фернандеш бўлганини кўради", - деди “Челси”нинг собиқ ярим ҳимоячиси.
