Daniya terma jamoasi bosh murabbiyi Brayan Rimer Millatlar ligasi doirasida Portugaliyaga qarshi o‘yin oldidan daniyaliklar qattiq harakat qilishlari kerakligini takidladi.
"Portugaliyaliklarning har bir pozisiyasida yulduzlari bor. Bu hatto futbolni yaxshi bilmaydiganlarga ham tushunarli. Ularda juda ko‘p iste’dod bor. Portugaliyalik futbolchilarning individual mahoratiga dosh berishga harakat qilishimiz kerak.
Javob o‘yiniga qadar biz intrigani saqlab qolishimiz kerak, siz faqat birinchi o‘yinga e’tibor qilishingiz mumkin emas. Biz o‘zimizdada g‘alaba qozonishni istaymiz, lekin oldinda yana 90 daqiqa borligini tushunamiz", - deya Rimerning so‘zlarini keltiradi UEFA matbuot xizmati.
Daniya va Portugaliya terma jamoalari o‘rtasidagi Millatlar ligasi chorak final uchrashuvi 20 mart, payshanba kuni bo‘lib o‘tadi.
