"Manchester Siti" ustozi Xosep Gvardiola jamoasining hujum chizig‘ini kuchaytirish uchun asosiy variantni tanladi, deya xabar bermoqda Todofichajes portali jurnalistlari.
Manbaga ko‘ra, ispaniyalik mutaxassisning qiziqishlari doirasida Ispaniya terma jamoasi va "Atletik"ning 22 yoshli vingeri Niko Uilyams bor. "Shaharliklar" futbolchining shartnomasini kelasi yozda rasmiylashtirishi mumkin. Uning tovon puli 60 million yevroni tashkil etadi.
Uilyams Ispaniya La Ligasining joriy mavsumida 24 ta o‘yin o‘tkazdi. Niko o‘z hisobiga 4 ta gol va 5 ta golli uzatma yozdirib qo‘ydi. Uning shartnomasi 2027 yilning yarmigacha mo‘ljallangan.
