"Arsenal" yarim himoyachisi Jorjinyo "Flamingo" bilan muzokara o‘tkazish uchun Braziliyaga jo‘nab ketdi.
Ushbu xalqaro tanaffusda Italiya terma jamoasiga chaqirilmaganidan foydalangan Jorjinyo nozik masalani hal qilish uchun Braziliyaga uchib ketdi.
Jorjinyo fevral oyida "Flamingo" bilan kelishuvga erishgandi, biroq tomonlar haligacha 33 yoshli yarim himoyachi braziliyaliklar klubiga qachon qo‘shilishi borasida kelisha olishmagan.
Jorjinyoning "Arsenal" bilan shartnomasi 30 iyunda tugaydi, ammo "Flamingo" "Chelsi"ning sobiq futbolchisini AQSHda biroz ertaroq boshlanadigan klublar o‘rtasidagi jahon chempionatiga olib borishni istashmoqda.
"Arsenal"dan erta ketishi Jorjinyoning katta miqdordagi sodiqlik bonusidan mahrum bo‘lishiga olib keladi va hozirda tomonlar "Flamingo" bu miqdorni qoplay oladimi yoki yo‘qligini o‘ylashmoqda, deya xabar beradi Goal Brasil nashri.
Jorjinyo joriy mavsumda "Arsenal"ning Premyer-ligadagi 29 ta o‘yinining atigi 12 tasida maydonga tushdi, ularning ko‘pida zaxiradan maydonga tushdi. 4 yanvardan buyon futbolchi chempionatda ikki marta maydonga tushdi.
