"Арсенал" ярим ҳимоячиси Жоржиньо "Фламинго" билан музокара ўтказиш учун Бразилияга жўнаб кетди.
Ушбу халқаро танаффусда Италия терма жамоасига чақирилмаганидан фойдаланган Жоржиньо нозик масалани ҳал қилиш учун Бразилияга учиб кетди.
Жоржиньо февраль ойида "Фламинго" билан келишувга эришганди, бироқ томонлар ҳалигача 33 ёшли ярим ҳимоячи бразилияликлар клубига қачон қўшилиши борасида келиша олишмаган.
Жоржиньонинг "Арсенал" билан шартномаси 30 июнда тугайди, аммо "Фламинго" "Челси"нинг собиқ футболчисини АҚШда бироз эртароқ бошланадиган клублар ўртасидаги жаҳон чемпионатига олиб боришни исташмоқда.
"Арсенал"дан эрта кетиши Жоржиньонинг катта миқдордаги содиқлик бонусидан маҳрум бўлишига олиб келади ва ҳозирда томонлар "Фламинго" бу миқдорни қоплай оладими ёки йўқлигини ўйлашмоқда, дея хабар беради Goal Brasil нашри.
Жоржиньо жорий мавсумда "Арсенал"нинг Премьер-лигадаги 29 та ўйинининг атиги 12 тасида майдонга тушди, уларнинг кўпида захирадан майдонга тушди. 4 январдан буён футболчи чемпионатда икки марта майдонга тушди.
