"Manchester Yunayted" "Everton" himoyachisi Jarrad Brantueytni qo‘lga kiritish uchun yana urinib ko‘rmoqchi.
Brantueyt bir yildan ortiq vaqtdan beri "Manchester Yunayted"ning nishonida edi, ammo "qizil iblislar" o‘tgan yozda uning uchun 70 million funt sterlingni to‘lashga tayyor emas edi.
O‘shanda "MYU" markaziy himoyasini Mattias de Ligt va Leni Yoroni o‘z safiga qo‘shib oldi va yanvar oyida Eyden Xevenni qo‘shdi, ammo "qizil iblislar" haligacha Brantueytni o‘z safiga qo‘shib olish niyatida.
Bundan tashqari, The Sun nashrining xabar berishicha, "Manchester Yunayted" Brantueytni yozgi transferdagi asosiy maqsad qilib qo‘ygan va 22 yoshli angliyalik futbolchi uchun 50 million funt sterlingdan ko‘proq pul to‘lashga tayyor.
Biroq, Brantueyt Ruben Amorim shogirdlari Chempionlar ligasiga yo‘llanma olsagina, "MYU"ning taklifini ko‘rib chiqadi va buning uchun ular Yevropa ligasida g‘alaba qozonishlari kerak.
"Manchester Yunayted"ning Brantueyt uchun raqibi "Tottenxem" bo‘lib turibdi.
