Nufuzli "Transfermarkt" portali mutaxassislari so‘nggi kunlarda futbolchilarning yangi narxlarini belgilashmoqda. Shunday qilib, juma kuni "Real" hujumchisi Kilian Mbappening bahosi o‘zgartirildi. Kechagina fransuz 160 million yevroga baholanayotgan edi, endi esa uning narxi 170 million. Ya’ni Mbappe qimmatlashdi.

Kilian Mbappe sayyoramizning eng qimmat futbolchilari reytingida beshinchi o‘rinni egallab turibdi. Undan yuqorida Jud Bellingem (180 mln yevro), Lamin Yamal (180 mln yevro), Vinisius Junior (200 mln yevro) va Erling Xoland (200 mln yevro) bormoqda.

2024/2025 yilgi mavsumda Kilian Mbappe 43 ta o‘yinda maydonga tushib, 30 ta gol urgan.