Toshkentda «Humo» va «Torpedo» xokkey jamoalari o‘rtasidagi seriyaning to‘rtinchi o‘yini bo‘lib o‘tdi.  

Maydon egalari o‘z imkoniyatlaridan unumli foydalanib, har bir bo‘limda gol urdi va himoyada mustahkam o‘ynashdi. Toshkentliklar safida Vladislav Dyukarev, Dmitriy Grens, Yegor Buyalskiy va Aleksandr Shevchenko o‘z hisoblariga gollar yozdirib qo‘yishdi. Darvozabon Gleb Moiseev esa 26 marta raqib zarbalarini qaytardi. O‘skemen jamoasi esa faqat Nikita Kolobovning bir goli bilan javob qaytardi.  

Seriyadagi beshinchi o‘yin 26 mart kuni O‘skemen shahrida bo‘lib o‘tadi. «Humo» unda g‘alaba qozonsa, finalga chiqadi.

Qozog‘iston chempionati, pley-off. yarim final, 4-o‘yin
«Humo» - «Torpedo» 4:1 (1:0, 2:1, 1:0)  
Gollar:  
1:0 – 06:04 – Dyukarev (Malishev)  
2:0 – 24:21 – Grens (Kravchenko, Siksna) GB  
3:0 – 31:43 – Buyalskiy (Pavlenko, Malsev)  
3:1 – 37:50 – Kolobov (Skutar, Akmaldinov)  
4:1 – 47:53 – Shevchenko (Litovchenko, Savriskiy)  

Darvozabonlar: Moiseev – Yankov (Pestov, 47:53–60:00)  

Seriya hisobida «Torpedo» – «Humo»: 1-3 (5:3, 2:4, 2:3, 1:4)