Тошкентда «Ҳумо» ва «Торпедо» хоккей жамоалари ўртасидаги сериянинг тўртинчи ўйини бўлиб ўтди.  

Майдон эгалари ўз имкониятларидан унумли фойдаланиб, ҳар бир бўлимда гол урди ва ҳимояда мустаҳкам ўйнашди. Тошкентликлар сафида Владислав Дюкарев, Дмитрий Гренц, Егор Буяльский ва Александр Шевченко ўз ҳисобларига голлар ёздириб қўйишди. Дарвозабон Глеб Моисеев эса 26 марта рақиб зарбаларини қайтарди. Ўскемен жамоаси эса фақат Никита Колобовнинг бир голи билан жавоб қайтарди.  

Сериядаги бешинчи ўйин 26 март куни Ўскемен шаҳрида бўлиб ўтади. «Ҳумо» унда ғалаба қозонса, финалга чиқади.

Қозоғистон чемпионати, плей-офф. ярим финал, 4-ўйин
«Ҳумо» - «Торпедо» 4:1 (1:0, 2:1, 1:0)  
Голлар:  
1:0 – 06:04 – Дюкарев (Малишев)  
2:0 – 24:21 – Гренц (Кравченко, Сиксна) ГБ  
3:0 – 31:43 – Буяльский (Павленко, Мальцев)  
3:1 – 37:50 – Колобов (Скутар, Акмальдинов)  
4:1 – 47:53 – Шевченко (Литовченко, Саврицкий)  

Дарвозабонлар: Моисеев – Янков (Пестов, 47:53–60:00)  

Серия ҳисобида «Торпедо» – «Ҳумо»: 1-3 (5:3, 2:4, 2:3, 1:4)