Braziliyalik sobiq himoyachi Lusio "Inter"ning joriy mavsumdagi istiqbollari haqida gapirdi.
Simone Indzagi jamoasi A Seriya turnir jadvalida "Napoli"ni 3 ochkoga ortda qoldirib, finishga 9 tur qolganida peshqadamlik qilmoqda. Shuningdek, "neradzurrilar" Chempionlar ligasi chorak finalida "Bavariya" va Italiya kubogi yarim finalida "Milan" bilan o‘ynaydi.
"Men "Inter"ni, butun Italiya futbolini kuzataman. Har doim jamoani qo‘llab-quvvatlayman. "Bavariya"ga qarshi o‘yin qiyin bo‘ladi, ammo "Inter" kuchli va o‘z maqsadiga erisha oladi.
Trebl? Ha, bo‘lishi mumkin. Chempionlar Ligasida g‘olib chiqish hammasidan ham qiyinroq bo‘ladi, ammo imkoniyatlar bor," - deya Lusioning so‘zlarini keltiradi "Gazeta.Ru" DAZN'ga tayanib. Eslatib o‘tamiz, braziliyalikning o‘zi 2010 yilda "Inter" bilan treblni qo‘lga kiritgan, bungacha esa "Bavariya" sharafini himoya qilgan.
