Бразилиялик собиқ ҳимоячи Лусио "Интер"нинг жорий мавсумдаги истиқболлари ҳақида гапирди.
Симоне Индзаги жамоаси А Серия турнир жадвалида "Наполи"ни 3 очкога ортда қолдириб, финишга 9 тур қолганида пешқадамлик қилмоқда. Шунингдек, "нерадзуррилар" Чемпионлар лигаси чорак финалида "Бавария" ва Италия кубоги ярим финалида "Милан" билан ўйнайди.
"Мен "Интер"ни, бутун Италия футболини кузатаман. Ҳар доим жамоани қўллаб-қувватлайман. "Бавария"га қарши ўйин қийин бўлади, аммо "Интер" кучли ва ўз мақсадига эриша олади.
Требл? Ҳа, бўлиши мумкин. Чемпионлар Лигасида ғолиб чиқиш ҳаммасидан ҳам қийинроқ бўлади, аммо имкониятлар бор," - дея Лусионинг сўзларини келтиради "Газета.Ру" DAZN'га таяниб. Эслатиб ўтамиз, бразилияликнинг ўзи 2010 йилда "Интер" билан треблни қўлга киритган, бунгача эса "Бавария" шарафини ҳимоя қилган.
