"Manchester Yunayted"ning sobiq futbolchisi Jessi Lingard faoliyatining eng yaxshi yillarini esladi.
"Qizil iblislar" tarbiyalanuvchisi Angliyada bir necha yorqin mavsumlarni o‘tkazdi, shundan so‘ng uning faoliyati pasayib ketdi. O‘tgan yil boshidan buyon hujumkor yarim himoyachi Janubiy Koreyada "Seul" sharafini himoya qilmoqda.
"Fergi [ser Aleks Fergyuson] har doim menga ishongan - bu haqiqatan ham muhim bo‘lgan yagona narsa. U futbolni tushunadi. Juda yoshligimda u 22-23 yoshimda asosiy jamoada o‘ynashimni aytdi. Bu aql bovar qilmaydigan holat edi.
Men baxtliman va mamnunman. Men bilan sodir bo‘lgan hamma narsa bejiz emas edi. Kubok finallarida gollar, Angliya terma jamoasi safida o‘yinlar, jahon chempionatida gol. Hech kim va hech qachon bularning barchasini mendan tortib ololmaydi," - deya 32 yoshli Lingardning so‘zlarini keltiradi UtdDistrict.
