Ganalik sobiq futbolchi Salli Muntari hamyurti Tomas Partining Londonning "Arsenal" klubini tark etishi mumkinligi haqida fikr bildirdi.

31 yoshli yarim himoyachining "kanonirlar" bilan shartnomasi iyul oyida yakuniga yetadi. Tomonlar hamkorlikni davom ettirishni rejalashtirmoqdami yoki yo‘qmi, noma’lumligicha qolmoqda.

"Menga shu narsa aniqki, Parti "Arsenal"ning bu mavsumdagi eng yaxshi o‘yinchilaridan biri bo‘ldi. U klubga kerak, shuning uchun unga yangi shartnoma taklif qilishlari kerak. Agar bu sodir bo‘lmasa, u baribir yana ko‘p yillarni yuqori saviyada o‘tkazishi mumkin va men uning "Atletiko"ga qaytishi ehtimolini istisno qilmayman," - dedi Muntari.